Хабарҳо
Мақомоти иҷроияи ҳокимияти давлатии шаҳри Истаравшан озмун эълон менамояд - 29.11.2021 14:52
Имзои созишномаҳои ҳамкорӣ миёни соҳибкорони вилояти Суғд ва кишвари Красноярски ФР - 29.11.2021 14:51
Маркази матбуоти Ситоди байниидоравии таъмини амният ва тартиботи ҷамъиятӣ дар ВМКБ хабар медиҳад - 29.11.2021 14:10
Иҷрокунандаи вазифаи Раиси ВМКБ Алишер Мирзонабот ҷаласаи корӣ доир намуд - 29.11.2021 14:05
Public Order in Khorugh Fully Restored - 29.11.2021 13:58
Тартиботи ҷамъиятӣ дар шаҳри Хоруғ пурра ба эътидол оварда шуд - 29.11.2021 13:43
Ҳамватанони азиз! Бо гирифтани ваксина худ ва наздиконамонро аз бемории COVID-19 эмин нигоҳ дорем! - 29.11.2021 10:43
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Озарбойҷон Илҳом Алиев мулоқот намуданд - 29.11.2021 10:34
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Туркия Реҷеп Тайип Эрдоган мулоқот намуданд - 29.11.2021 10:31
Президенти Ҷумҳурии Тоҷикистон Эмомалӣ Раҳмон дар Саммити 15-уми сарони кишварҳои аъзои Созмони ҳамкории иқтисодӣ (СҲИ) дар шаҳри Ашхободи Туркманистон иштирок намуданд - 29.11.2021 10:21

Ғолибони озмуни вилоятии «Мухбири ҷавон» муайян шуданд

( 0 Овоз )

Нашрияи вилоятии «Ҳақиқати Суғд» аз ҷамъбасти  озмуни вилоятии «Мухбири ҷавон», ки бахшида ба Рӯзи Парчами давлатии Ҷумҳурии Тоҷикистон эълон намуда буд, хабар дод.

Озмуни мазкур бо мақсади дарёфти чеҳраҳои нав аз ҳисоби ҷавонони соҳибзавқу соҳибистеъдод, дорои дониши баланди сиёсиву фарҳангӣ, эҷодкору навовар ва дӯстдори касби рӯзноманигорӣ, ҳамчунин  барои эҳёи мактаби шогирдпарварии назди идораи рӯзнома доир шуда, ба озмун даҳҳо маводу матолиб аз шаҳру навоҳии вилоят ва, ҳатто, берун аз он ворид гардиданд. Ҳайати ҳакамони озмун, журналистони касбӣ ҳар як маводро пурраву ҳамаҷониба омӯхта, беҳтаринҳоро муайян намуданд.

Дар Рӯзи Парчами давлатии Ҷумҳурии Тоҷикистон-24 ноябр озмун ҷамъбаст ва беҳтаринҳо қадршиносӣ гардиданд. Аз рӯи натиҷаҳои озмун Амонҷон Мамадҷонов, донишҷуи соли сеюми факултаи  рӯзноманигории Донишгоҳи миллии Тоҷикистон (барои маводи «Марде аз табори хуршед», «ҲС» 13.11, №136) бо Дипломи дараҷаи 1 ва тӯхфаи хотиравӣ, Сайҳона Зокирова - донишҷӯи соли дуюми бахши журналистика ва назарияи тарҷумаи  Донишгоҳи давлатии Хуҷанд ба номи академик Бобоҷон Ғафуров бо Дипломи дараҷаи 2 ва тӯҳфаи хотиравӣ, Рӯзигул Элчибойзода – донишҷӯи соли дуюми бахши журналистика ва назарияи тарҷумаи Донишгоҳи давлатии Хуҷанд ба номи академик Бобоҷон Ғафуров бо Дипломи дараҷаи 3 ва тӯҳфаи хотиравӣ тақдиронида шуданд.

Ҳамзамон иштирокчиёни фаъоли озмун  Мавзунахон Мирзоева, магистранти соли дуюми ихтисоси рӯзноманигории Донишгоҳи давлатии Хуҷанд ба номи академик Бобоҷон Ғафуров ва Ашӯров Нӯшервон донишҷӯи соли сеюми факултаи филологияи тоҷики Донишгоҳи давлатии Хуҷанд ба номи академик Бобоҷон Ғафуров  бо  мукофоти ҳавасмандгардонӣ - Сипоснома ва  тӯҳфаҳои хотиравӣ  сарфароз  гардонида  шуданд.

Хадамоти матбуоти
Раиси вилояти Суғд

ШУМО ДАР: Навиди Суғд Ғолибони озмуни вилоятии «Мухбири ҷавон» муайян шуданд