Хабарҳо
Мақомоти иҷроияи ҳокимияти давлатии шаҳри Истаравшан озмун эълон менамояд - 29.11.2021 14:52
Имзои созишномаҳои ҳамкорӣ миёни соҳибкорони вилояти Суғд ва кишвари Красноярски ФР - 29.11.2021 14:51
Маркази матбуоти Ситоди байниидоравии таъмини амният ва тартиботи ҷамъиятӣ дар ВМКБ хабар медиҳад - 29.11.2021 14:10
Иҷрокунандаи вазифаи Раиси ВМКБ Алишер Мирзонабот ҷаласаи корӣ доир намуд - 29.11.2021 14:05
Public Order in Khorugh Fully Restored - 29.11.2021 13:58
Тартиботи ҷамъиятӣ дар шаҳри Хоруғ пурра ба эътидол оварда шуд - 29.11.2021 13:43
Ҳамватанони азиз! Бо гирифтани ваксина худ ва наздиконамонро аз бемории COVID-19 эмин нигоҳ дорем! - 29.11.2021 10:43
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Озарбойҷон Илҳом Алиев мулоқот намуданд - 29.11.2021 10:34
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Туркия Реҷеп Тайип Эрдоган мулоқот намуданд - 29.11.2021 10:31
Президенти Ҷумҳурии Тоҷикистон Эмомалӣ Раҳмон дар Саммити 15-уми сарони кишварҳои аъзои Созмони ҳамкории иқтисодӣ (СҲИ) дар шаҳри Ашхободи Туркманистон иштирок намуданд - 29.11.2021 10:21

«Таҳти ин ливои муқаддас халқи шарифи мо ба сӯи ояндаи ободу дурахшон қадамҳои устувор гузошта истодааст»-бардошт аз ҳамоиши тантанавӣ дар Истаравшан

( 0 Овоз )

24 ноябри соли равон дар толори калони мақомоти иҷроияи ҳокимияти давлатии шаҳри Истаравшан ба муносибати Рӯзи Парчами давлатии Ҷумҳурии Тоҷикистон маҷлиси тантанавӣ баргузор гардид.

Дар маҷлиси тантанавӣ раиси шаҳри Истаравшан Адҳам Маъмурзода, намояндаи мақомоти иҷроияи ҳокимияти давлатии вилояти Суғд Саидамин Исомаддинзода, роҳбарони мақомотҳои ҳифзи ҳуқуқ, воҳидҳои сохторӣ, зиёиён, намояндагони васоити ахбори омма, директорони муассисаҳои таълимии шаҳр, кормандони соҳаҳои мухталифи шаҳр, собиқадорони меҳнат ва ҷавонону наврасон ширкат варзиданд.

Пас аз садо додани Суруди миллӣ ва ба толор ворид гардидани Парчами давлатии Ҷумҳурии Тоҷикистон нахуст раиси шаҳри Истаравшан Адҳам Маъмурзода аҳли нишаст ва тамоми сокинони шарафманди Истаравшани бостониро бо Рӯзи Парчами давлатии Ҷумҳурии Тоҷикистон шодбош гуфта, ба ҳамагон саодату саломатии бардавом ва ба Тоҷикистони офтобӣ осмони софу парафшонии ҷовидонаи Парчами саодати миллатро таманно намуд.

Гуфта шуд, ки Парчам рамзи сарҷамъиву иттиҳод, нишони соҳибдавлативу  соҳибистиқлолият, омили муттаҳидсозии мардум, заминаи худшиносиву худогоҳӣ ва ифтихор аз ватану ватандорӣ маҳсуб ёфта, таҳти ин ливои муқаддас халқи шарифи мо ба сӯи ояндаи ободу дурахшон қадамҳои устувор гузошта истодааст.

Дар идома, намояндаи мақомоти иҷроияи ҳокимияти давлатии вилояти Суғд Саидамин Исомаддинзода паёми шодбошии Раиси вилояти Суғд Раҷаббой Аҳмадзода ба муносибати Рӯзи Парчами давлатии Ҷумҳурии Тоҷикистонро ба самъи ҳозирин расонида, кулли сокинони сарбаланди шаҳри Истаравшани бостониро ба муносибати ин рӯзи фархунда шодбош гуфт ва ба аҳли нишаст хотирҷамъӣ ва ба Ватани азизамон сарсабзию шукуфоӣ ва сулҳу осоиши пойдор орзу намуд.

Дар қисмати дуюми маҷлиси тантанавӣ аз ҷониби бахши фарҳанги мақомоти иҷроияи ҳокимияти давлатии шаҳр барномаи пурмӯҳтавои идона ва рангини ҳунарӣ пешкаши ҳозирин гардонида шуда, ба чорабинии ҷашнӣ ҳусну таровати тоза зам намуд.

Хадамоти матбуоти
Раиси вилояти Суғд

ШУМО ДАР: Навиди Суғд «Таҳти ин ливои муқаддас халқи шарифи мо ба сӯи ояндаи ободу дурахшон қадамҳои устувор гузошта истодааст»-бардошт аз ҳамоиши тантанавӣ дар Истаравшан