Хабарҳо
Мақомоти иҷроияи ҳокимияти давлатии шаҳри Истаравшан озмун эълон менамояд - 29.11.2021 14:52
Имзои созишномаҳои ҳамкорӣ миёни соҳибкорони вилояти Суғд ва кишвари Красноярски ФР - 29.11.2021 14:51
Маркази матбуоти Ситоди байниидоравии таъмини амният ва тартиботи ҷамъиятӣ дар ВМКБ хабар медиҳад - 29.11.2021 14:10
Иҷрокунандаи вазифаи Раиси ВМКБ Алишер Мирзонабот ҷаласаи корӣ доир намуд - 29.11.2021 14:05
Public Order in Khorugh Fully Restored - 29.11.2021 13:58
Тартиботи ҷамъиятӣ дар шаҳри Хоруғ пурра ба эътидол оварда шуд - 29.11.2021 13:43
Ҳамватанони азиз! Бо гирифтани ваксина худ ва наздиконамонро аз бемории COVID-19 эмин нигоҳ дорем! - 29.11.2021 10:43
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Озарбойҷон Илҳом Алиев мулоқот намуданд - 29.11.2021 10:34
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Туркия Реҷеп Тайип Эрдоган мулоқот намуданд - 29.11.2021 10:31
Президенти Ҷумҳурии Тоҷикистон Эмомалӣ Раҳмон дар Саммити 15-уми сарони кишварҳои аъзои Созмони ҳамкории иқтисодӣ (СҲИ) дар шаҳри Ашхободи Туркманистон иштирок намуданд - 29.11.2021 10:21

Хуҷанд.Таҳти унвони “Тоҷикистон, ба пеш!” ҳамоиши ташкилоти ҷамъиятии ҷавонон - “Созандагони Ватан” баргузор гардид

( 0 Овоз )

Дар Кохи “Суғдиён”-и шаҳри Хуҷанд ҳамоиши ташкилоти ҷамъиятии ҷавонон - “Созандагони Ватан”-и шаҳри Хуҷанд, таҳти унвони “Тоҷикистон, ба пеш!” баргузор гардид.

Дар кори ҳамоиш раиси Кумиҷроияи ҲХДТ дар вилояти Суғд Зуфар Исмоилзода роҷеъ ба нақши ҷавонон дар таҳкими Истиқлолият ва ифтихору ватандорӣ маърӯзаи муфассал намуд.

Раиси шаҳри Хуҷанд Фирдавс Шарифзода зимни баромади худ таъкид дошт, ки ба муносибати 30 – юмин солгарди Истиқлоли давлатии Ҷумҳурии Тоҷикистон бо ибтикори Кумитаи иҷроияи Ҳизби Халқии Демократии Тоҷикистон дар вилояти Суғд дар қаламрави ҳамаи шаҳру ноҳияҳои вилоят ташкилу баргузор намудани ҳамоиши Ташкилоти ҷамъиятии ҷавонон -“Созандагони Ватан” роҳандозӣ гардидааст. Маврид ба зикр аст, ки дар шаҳри Хуҷанд низ ҳамоиши мазкур таҳти унвони “Тоҷикистон, ба пеш!” дар арафаи таҷлили Рўзи Парчами давлатии Ҷумҳурии Тоҷикистон баргузор гардид.

Зикр гардид, ки Ҳизби халқии демократии Тоҷикистон дар ҳаёти сиёсии кишвар бо барномаи мукаммалу дурбинонаи худ дар пешбурди сиёсати маънавиасоси давлат ва ҳукумати кишвар нақши калидӣ дорад. Бешубҳа мақому манзалати ҳизб бо сарварии Асосгузори сулҳу ваҳдати миллӣ – Пешвои муаззами миллат, Президенти Ҷумҳурии Тоҷикистон, Раиси муаззами Ҳизби халқии демократии Тоҷикистон муҳтарам Эмомалӣ Раҳмон хеле боло рафтааст. Ҳизби халқии демократии Тоҷикистон аз рӯзҳои аввали таъсисёбии худ ба масъалаи ҷавонон аҳамияти аввалиндараҷа зоҳир менамояд. Дар ин радиф яке аз самтҳои асосии барномаи ҳизбро масъалаи кор бо ҷавонон ташкил медиҳад. ҲХДТ ҷавононро ҳамчун ояндаи давлату миллат эътироф намуда, нерӯи тавоно, созанда ва ташаббусҳои онҳоро ҷонибдорӣ ва ҷиҳати амалӣ шудани иқдомҳои бунёдкоронаи ҷавонон пуштибонӣ менамояд.

Дар ҷараёни ҳамоиш  аъзои фаъоли Ташкилоти ҷамъиятии “Созандагони Ватан” Мижгона Худойдодова, Фарҳод Ҳоҷиев, сарбози қисми ҳарбии 3501 Шарифҷон Маҳмадалиев баромад намуданд.

Сипас, якчанд нафар ба аъзогӣ пазируфта шуда, ба онҳо шаҳодатномаҳои ҳизбӣ ва “Созандагони Ватан” тақдим карда шуд.

Дар аноҷми қисмати расмии ҳамоиш  Муроҷиатномаи  ҳамоиши ташкилоти ҷамъиятии ҷавонон - “Созандагони Ватан”-и шаҳри Хуҷанд, таҳти унвони “Тоҷикистон, ба пеш!” қабул карда шуд.

Хадамоти матбуоти
Раиси вилояти Суғд

ШУМО ДАР: Навиди Суғд Хуҷанд.Таҳти унвони “Тоҷикистон, ба пеш!” ҳамоиши ташкилоти ҷамъиятии ҷавонон - “Созандагони Ватан” баргузор гардид