Хабарҳо
Фармонҳои Президенти Ҷумҳурии Тоҷикистон - 26.01.2022 16:13
Пешвои миллат Эмомалӣ Раҳмон як қатор тағйироти кадрӣ ба амал оварданд - 26.01.2022 16:08
Таҷлили ҷашни Сада дар ноҳияи Деваштич - 26.01.2022 13:28
Бахшида ба Иди Сада дар ноҳияи Мастчоҳ ярмарка-фурӯши маҳсулоти кишоварзӣ ташкил шуд - 26.01.2022 13:25
Президенти Ҷумҳурии Тоҷикистон Эмомалӣ Раҳмон дар аввалин Нишасти сарони кишварҳои «Осиёи Марказӣ-Чин» иштирок намуданд - 26.01.2022 08:26
ЗАМИНҲОИ БЕКОРХОБИДА БА ГАРДИШИ КИШОВАРЗӢ ДАРОВАРДА МЕШАВАНД! - 25.01.2022 15:30
Ғолибони озмунҳои "Беҳтарин китобхонаи наздимактабӣ" ва "Китобдори беҳтарин" муайян гардиданд - 25.01.2022 10:35
Дар ноҳияи Мастчоҳ коргоҳи истеҳсоли кислород месозанд - 25.01.2022 10:32
Таҷлили Иди Сада дар шаҳри Истаравшан - 25.01.2022 10:30
Меҳмонон аз вилоятҳои Фарғона ва Намангон аз Ашт боздид намуданд - 25.01.2022 10:14

Таҷлили Рӯзи забони давлатӣ ва Рӯзи омӯзгор дар ноҳияи Мастчоҳ

( 0 Овоз )

5 октябр дар Қасри фарҳанги ноҳияи Мастчоҳ чорабинии идона ба муносибати Рўзи забони давлатӣ ва Рўзи омӯзгор баргузор гардид.

Муовини якуми раиси ноҳия Муллосоқӣ Атовуллозода аз номи мақомоти иҷроияи ҳокимияти давлатии ноҳия сокинонро ба муносибати Рӯзи забони давлатӣ табрик намуда, зикр кард, ки «забони тоҷикӣ дар ҳама давру замонҳо забони давлатдорӣ буда, яке аз падидаҳои тамаддунофари даврони Истиқлоли давлат низ маҳсуб ёфта, ҳамчун як рукни асосии давлатдорӣ дар пойдории давлату миллати тоҷик нақши муҳим мебозад».

Таъкид карда шуд, ки омӯзгор ва фарди донишманд барои ҳар як миллату давлат сарвати бебаҳо ва неруи тавонои созандагӣ ба ҳисоб меравад. Бинобар ин омӯзгоронро зарур аст, ки дар кори худ содиқ бошанд ва барои боз ҳам баланд бардоштани савияи дониши хонандагон ва расидан ба дастовардҳои бузург талош намоянд.

Зикр гардид, ки аз бо дастгирию ғамхориҳои Пешвои муаззами миллат муҳтарам Эмомалӣ Раҳмон ва таваҷҷуҳи доимии мақомоти иҷроияи ҳокимияти давлатии вилоят соҳаи маорифи ноҳияи Мастчоҳ низ ба пешравиҳои назаррас ноил гардид. Дар даврони Истиқлоли давлатӣ дар ноҳияи Мастчоҳ 21 муассиса ва биноҳои нави таълимӣ бунёд гардидаанд ва рӯзҳои наздик ба ифтихори ҷашни 30-солагии Истиқлолияти давлатӣ боз 2 муассисаи таҳсилоти миёнаи умумии нав ба истифода дода мешаванд.

Дар охир барномаи консертии бахши фарҳанги ноҳия хотири иштирокдоронро болида сохт.

Хадамоти матбуоти
Раиси вилояти Суғд

ШУМО ДАР: Навиди Суғд Таҷлили Рӯзи забони давлатӣ ва Рӯзи омӯзгор дар ноҳияи Мастчоҳ