Хабарҳо
Мулоқоти доираҳои тиҷоратии вилоятҳои Суғд ва Могилёв - 03.12.2021 17:52
Мулоқоти гуруҳи корӣ бо фаъолони шаҳру ноҳияҳо оид ба фарогирии аҳолӣ ба ваксинатсия - 03.12.2021 15:48
Соҳибкорони Могилёв аз корхонаҳои саноатӣ боздид намуданд - 03.12.2021 10:56
Машварати кории Раиси вилояти Суғд Раҷаббой Аҳмадзода - 03.12.2021 08:49
Мулоқоти Раиси вилоят бо соҳибкорони Ҷумҳурии Беларус - 02.12.2021 10:55
Мулоқоти Раиси вилоят бо муовини Раиси кумитаи иҷроияи вилояти Могилёви Ҷумҳурии Беларус Руслан Страхар - 02.12.2021 10:51
Мулоқоти Раиси вилоят бо сафири Фавқулода ва Мухтори Ҷумҳурии Беларус дар Ҷумҳурии Тоҷикистон Виктор Денисенко - 02.12.2021 10:39
«ҶАНОБИ ОЛӢ ФАРЗАНДИ СИДДИҚИ* ИН КИШВАР АСТ». Чунин иброз дошт донишманди афғонтабори муқими Олмон Муҳсини Салҷуқӣ - 02.12.2021 08:15
Дар даври ҷумҳуриявии озмуни «Фурӯғи субҳи доноӣ китоб аст» аз Суғд 36 нафар иштирок мекунанд - 02.12.2021 08:09
Шиносоии Раиси вилоят бо корҳои таъмиру азнавбарқароркунӣ дар Қалъаи Хуҷанд - 01.12.2021 13:52

Ташрифи Коҳир Расулзода ба қароргоҳи дастаи таъиноти махсуси зудамал

( 0 Овоз )

Видео ::Ташрифи  Коҳир Расулзода ба қароргоҳи дастаи таъиноти махсуси зудамал

Ба хотири шиносоӣ бо шароити хизматии ҳайати шахсии дастаи таъиноти махсуси милисаи Раёсати Вазорати корҳои дохилаи Ҷумҳурии Тоҷикистон дар вилояти Суғд  , имрӯз  Раиси вилоят  Қоҳир Расулзода ба ба қароргоҳи дастаи  зудамал ташриф овард.

Зимни  сӯҳбат бо ҳайати шахсӣ Қоҳир Расулзода аз саҳми онҳо дар пойдории суботи ҷомеа ёдовар шуд ва барои хизмати софдилонаашон барои халқу ватан изҳори миннатдорӣ кард.
Мақомоти милиса дар таҳкими волоияти қонун,  таъмини амну суботи кишвар ва  танзими тартиботи ҷамъиятӣ нақши муҳим мегузорад.

Дар ин замина, фаъолияти кормандони соҳа ва масъалаи беҳтар кардани шароити хизматии онҳо ҳамеша дар мадди назари давлату ҳукумат қарор дорад.

 

Дастаи таъиноти махсуси милисаи Раёсати Вазорати корҳои дохилаи Ҷумҳурии Тоҷикистон дар вилояти Суғд  соли 1995 ташкил ёфта, дар пешгирии ҷинояткорӣ, безараргардонии қувваҳои бадхоҳ ва таъмини амну суботи ҷомеа саҳмгузор аст. То ин дам ҳайати шахсии дастаи зудамал дар чандин амалиётҳои махсуси дастгир ва безараргардонии гурӯҳҳои ғайриқонунӣ амалкунандаи ифротгар фаъолона  иштирок намуда, аз ҳисси баланди ватанхоҳӣ ва иродаи матини ҷавонмардии хеш дарак додаанд.

Сафари қаблии Раиси вилоят ба ин мавзеъ моҳи  ноябр сурат гирифта буд ва бо маблағгузории мақомоти иҷроияи ҳокимияти давлатии вилоят ҷиҳати хубтар кардани  ҳолати ҷисмонӣ ва сифати таълимии ҳайати даста иншооти иловагӣ, аз қабили толори мачлисӣ, синфхонаи таълимӣ, утоқи маишӣ ва утоқи шустушуӣ сохта ба истифода дода шуданд. Зимни он боздид, роҳбарияти Раёсати корҳои дохилаи вилоят ҷиҳати  дастгирӣ барои таъмири бинои ҳайати шахсӣ  муроҷиат карда буд. Инак, имрӯз ин хушхабар ҳайати гурӯҳи фавриро хушҳол намуд. Бо қарори Раиси вилоят барои оғози таъмири бинои ҳайати даста 200000 сомонӣ ҷудо карда шуд.

Ҳамчунин дар ин сафар барои ҳайати шахсии дастаи таъиноти махсус аз ҷониби мақомоти иҷроияи ҳокимияти давлатии вилоят маводи хӯрока, аз қабили орду равған, гӯшт  ва ғайра дастрас карда шуд.

 

 

 

 

Хадамоти матбуоти
Раиси вилояти Суғд 

ШУМО ДАР: Навид Ташрифи Коҳир Расулзода ба қароргоҳи дастаи таъиноти махсуси зудамал