Хабарҳо
Мулоқоти доираҳои тиҷоратии вилоятҳои Суғд ва Могилёв - 03.12.2021 17:52
Мулоқоти гуруҳи корӣ бо фаъолони шаҳру ноҳияҳо оид ба фарогирии аҳолӣ ба ваксинатсия - 03.12.2021 15:48
Соҳибкорони Могилёв аз корхонаҳои саноатӣ боздид намуданд - 03.12.2021 10:56
Машварати кории Раиси вилояти Суғд Раҷаббой Аҳмадзода - 03.12.2021 08:49
Мулоқоти Раиси вилоят бо соҳибкорони Ҷумҳурии Беларус - 02.12.2021 10:55
Мулоқоти Раиси вилоят бо муовини Раиси кумитаи иҷроияи вилояти Могилёви Ҷумҳурии Беларус Руслан Страхар - 02.12.2021 10:51
Мулоқоти Раиси вилоят бо сафири Фавқулода ва Мухтори Ҷумҳурии Беларус дар Ҷумҳурии Тоҷикистон Виктор Денисенко - 02.12.2021 10:39
«ҶАНОБИ ОЛӢ ФАРЗАНДИ СИДДИҚИ* ИН КИШВАР АСТ». Чунин иброз дошт донишманди афғонтабори муқими Олмон Муҳсини Салҷуқӣ - 02.12.2021 08:15
Дар даври ҷумҳуриявии озмуни «Фурӯғи субҳи доноӣ китоб аст» аз Суғд 36 нафар иштирок мекунанд - 02.12.2021 08:09
Шиносоии Раиси вилоят бо корҳои таъмиру азнавбарқароркунӣ дар Қалъаи Хуҷанд - 01.12.2021 13:52

Қоҳир Расулзода ба аёдати милисаи захмбардошта рафт

( 2 Овоз )

Раиси вилояти Суғд Қоҳир Расулзода нимаи дуюми 16 январи соли ҷорӣ нозири БДА-и шаҳри Конибодом Акбар Турсуновро, ки қаблан дар як ҳамлаи террористон захм бардошта, ба беморхонаи марказии нохия бистарӣ гардида буд, аёдат намуд.

Табибони беморхона ба Раиси вилоят иттилоъ доданд, ки Акбар Турсунов аз китфи чап захм бардоштааст. Ва ҳоло баъди ҷарроҳии таъҷилӣ дар дасти ӯ дастгоҳи тиббии махсуси фишурдасозӣ, маъруф бо номи таҷҳизоти Илизаров насб карда шудааст. Ҳамзамон табибон вазъи саломатии Акбар Турсуновро ба давраи  баъди ҷарроҳӣ мутобиқ арзёбӣ карда, таъкид намуданд, ки  ба саломатии ӯ хатари ҷиддӣ таҳдид намекунад.

Бино ба ин иттилоъ Акбар Турсунов ҳамоно дар шӯъбаи эҳёи беморхона боқӣ мемонад.
Қоҳир Расулзода ҳангоми ин сафар инчунин ба хешовандони Акбар Турсунов мулоқот кард ва барои ӯ сиҳатии комилро орзу намуд. Раиси вилоят аз табибон тақозо намуд, ки барои ҳар чӣ зудтар табобат ёфтан ва барқарор намудани саломатии Акбар Турсунов тамоми чораҳои заруриро андешанд.

Маврид ба зикр аст, ки дар таърихи 14 январи соли ҷорӣ дар дидбонгоҳи БДА –и шаҳри Конибодом кормандони милитсия автомашинаи сабукрави тамғаи «Опел-Астра»-ро боздошт намуда, аз ронанда ҳуҷҷатҳои лозимаро мепурсанд. Аммо ронандаи мошин ва ҳамроҳонаш ба нозирони милиса муқобилият нишон дода, тир мекушоянд. Дар натиҷа як нозири милиса дар ҷойи ҳодиса ҷон дода ва як нафар захмӣ мешаванд.

Бино ба иттилоъи мақомоти интизомии вилоят, шахсияти ҳамлагарон ба нозирони роҳ муайян шуда, зимни роҳандозии як амалиёти махсус, як нафари онҳо нобуд ва дигарӣ фирор кардааст.
Аз онҳо 2 адад туфангча, муҳимоти ҷангӣ ва адабиёти динӣ мусодира шудааст.

Хадамоти матбуоти
Раиси вилояти Суғд

ШУМО ДАР: Навид Қоҳир Расулзода ба аёдати милисаи захмбардошта рафт