Хабарҳо
Мулоқоти Раиси вилояти Суғд бо директори намояндагии Бонки рушди Авруосиё дар Тоҷикистон - 24.09.2021 17:19
Суханронии Президенти Ҷумҳурии Тоҷикистон Эмомалӣ Раҳмон дар мубоҳисаҳои умумии Иҷлоси 76-уми Маҷмаи Умумии Созмони Милали Муттаҳид - 24.09.2021 09:50
Ашт. Иштироки Раиси вилоят Раҷаббой Аҳмадзода дар ҳашари пахтачинӣ - 23.09.2021 19:00
Сарвари давлат Эмомалӣ Раҳмон Варзишгоҳи марказии ноҳияи Балҷувонро мавриди истифода қарор доданд - 23.09.2021 16:43
Президенти Ҷумҳурии Тоҷикистон Эмомалӣ Раҳмон майдони Парчам ва Нишони давлатиро дар маркази ноҳияи Балҷувон ифтитоҳ намуданд - 23.09.2021 16:40
Президенти мамлакат дар Балҷувон Осорхонаи таърихию кишваршиносии ноҳияро ба истифода доданд - 23.09.2021 16:34
Ба муносибати Рӯзи Рӯдакӣ дар Хуҷанд чорабинӣ доир гардид - 23.09.2021 10:10
Ба зодгоҳи аллома Бобоҷон Ғафуров китоби "Тоҷикон" - туҳфаи арзишманди Пешвои миллат муҳтарам Эмомалӣ Раҳмон бо теъдоди 63 940 нусха дастрас гардид - 23.09.2021 10:08
Таҷлили Рӯзи Рӯдакӣ дар шаҳри Гулистон - 23.09.2021 09:57
Нашри китоби "30 баҳори Истиқлол" дар Хуҷанд - 22.09.2021 15:55

Роҳпаймоии идона ба ифтихори 30-солагии Истиқлоли давлатии Ҷумҳурии Тоҷикистон дар вилояти Суғд

( 0 Овоз )

9 сентябри соли 2021 дар хиёбони ба номи Раҳмон Набиеви маркази вилояти Суғд бахшида ба 30-солагии Истиқлоли давлатии Ҷумҳурии Тоҷикистон роҳпаймоии идона баргузор гардид, ки дар он беш аз 20 ҳазор нафар иштирок намуданд.

Муовини якуми Сарвазири мамлакат Давлаталӣ Саид ва Раиси вилояти Суғд Раҷаббой Аҳмадзода дар назди иштирокчиёни роҳпаймоӣ суханронӣ намуда, тамоми сокинони вилоятро аз номи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон табрик карданд.

Таъкид карда шуд,  ки дар тўли 30 соли Истиқлол, сокинони мамлакат, аз ҷумла мардуми вилояти Суғд бо дастовардҳои куллӣ муваффақ гардиданд ва вилоят симою тарҳи тозаеро ба худ гирифт. Дар солҳои соҳибистиқлолӣ дар вилоят садҳо корхонаҳои нави саноатӣ, ҳазорҳо километр роҳ, иншооти гуногуни иҷтимоӣ бунёд шуда, сатҳи зиндагии мардум ба маротиб беҳтар карда шуд. Танҳо ба истиқболи 30-солагии Истиқлоли давлатии Ҷумҳурии Тоҷикистон дар шаҳру ноҳияҳои вилоят беш аз 7 ҳазор иншооти ҷашнӣ бунёду азнавсозӣ ва мавриди истифода қарор дода шуд.

Бунёдкориҳо минбаъд низ идома ёфта, мардум зери раҳбарии Пешвои муаззами миллат муҳтарам Эмомалӣ Раҳмон барои гулгулшукуфии Тоҷикистони соҳибистиқлол   талош меварзанд.

Боиси зикр аст, ки дар роҳпаймоии умумихалқӣ намояндагони касбу кори гуногун,  аз ҷумла устодону хонандагони муассисаҳои таҳсилоти умумӣ, миёнаи касбӣ, донишкадаву донишгоҳҳо, ҷавонону варзишгарон, кормандони соҳаҳои маорифу тандурустӣ,  саноат, алоқаву нақлиёт, сохтмон, кишоварзӣ, ҳифзи муҳити зист, фарҳанг, ташкилотҳои ҷамъиятӣ, сайёҳӣ, ташкилотҳои молиявӣ, ҳизбҳои сиёсӣ, занону ҳунармандон, воситаҳои ахбори омма, ҷамъияти матлуботу савдо ва ғайраҳо бо намоиши дастовардҳои хоҷагии халқ иштирок намуданд.

Хадамоти матбуоти
Раиси вилояти Суғд

ШУМО ДАР: Навид Роҳпаймоии идона ба ифтихори 30-солагии Истиқлоли давлатии Ҷумҳурии Тоҷикистон дар вилояти Суғд