Хабарҳо
Мақомоти иҷроияи ҳокимияти давлатии шаҳри Истаравшан озмун эълон менамояд - 29.11.2021 14:52
Имзои созишномаҳои ҳамкорӣ миёни соҳибкорони вилояти Суғд ва кишвари Красноярски ФР - 29.11.2021 14:51
Маркази матбуоти Ситоди байниидоравии таъмини амният ва тартиботи ҷамъиятӣ дар ВМКБ хабар медиҳад - 29.11.2021 14:10
Иҷрокунандаи вазифаи Раиси ВМКБ Алишер Мирзонабот ҷаласаи корӣ доир намуд - 29.11.2021 14:05
Public Order in Khorugh Fully Restored - 29.11.2021 13:58
Тартиботи ҷамъиятӣ дар шаҳри Хоруғ пурра ба эътидол оварда шуд - 29.11.2021 13:43
Ҳамватанони азиз! Бо гирифтани ваксина худ ва наздиконамонро аз бемории COVID-19 эмин нигоҳ дорем! - 29.11.2021 10:43
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Озарбойҷон Илҳом Алиев мулоқот намуданд - 29.11.2021 10:34
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Туркия Реҷеп Тайип Эрдоган мулоқот намуданд - 29.11.2021 10:31
Президенти Ҷумҳурии Тоҷикистон Эмомалӣ Раҳмон дар Саммити 15-уми сарони кишварҳои аъзои Созмони ҳамкории иқтисодӣ (СҲИ) дар шаҳри Ашхободи Туркманистон иштирок намуданд - 29.11.2021 10:21

Мулоқоти доираҳои соҳибкории вилояти Суғд ва Федератсияи Россия

( 0 Овоз )

16 сентябри соли 2021 дар Маркази таълимии Бонки миллии Тоҷикистон дар шаҳри Гулистон мулоқоти доираҳои соҳибкории вилояти Суғд ва Федератсияи Россия баргузор гардид.

Мулоқот бо ҳузури Раиси вилояти Суғд Раҷаббой Аҳмадзода президенти Палатаи савдо ва саноати Федератсияи Россия Сергей Катирин, соҳибкорони рус, раисони бархе шаҳру ноҳияҳои вилоят, роҳбарони болки иқтисодии вилоят, корхонаҳои бузурги саноатӣ, соҳибкорони инфиродӣ доир шуда, ҷонибҳо роҳҳои рушди ҳамкориҳоро баррасӣ карданд.

Раиси вилоят дар мулоқот таъкид кард, ки ташкили чунин мулоқотҳо, сафарҳои мутақобилаи ҳайатҳо ва иштирок дар ярмаркаҳои тиҷоративу саноатӣ барои таҳкими робитаҳои минтақавӣ хизмат мекунад. Қайд карда шуд, ки дар замони муосир ҷустуҷӯ ва дарёфти шарикон барои таҳия ва татбиқи лоиҳаҳои муштарак амри зарурӣ буда, дар ин ҷода вилояти Суғд омодаи ҳамкориҳои мутақобилаи судманд мебошад. Вилояти Суғд, ки чун “водии имкониятҳо” шинохта шудааст, бо ҳашт минтақаи Федератсияи Россия,  аз ҷумла Оренбург, Саратов, Астрахан, Иваново, Свердловск, Нижегород, Алтай ва Ҷумҳурии Доғистон меморандум ва созишномаҳои ҳамкорӣ дорад.

Мусаллам аст, ки барои рушди робитаҳои минтақавӣ ва тиҷоратӣ нақша палатаҳои савдо ва саноат назаррас буда, Палатаи савдо ва саноати вилояти Суғд бо Палатаҳои савдо ва саноати 21 минтақаи Федератсияи Русия созишномаҳои ҳамкориро имзо кардааст. Дар назар аст, ки бо ташкили чунин мулоқоту вохӯриҳо ҳамкориҳо боз ҳам тавсеа ёфта, мубодилаи молу маҳсулот зиёд ва иштирок дар татбиқи лоиҳаҳои муштарак бештар гардад.

Сипас, президенти Палатаи савдо ва саноати Федератсияи Россия Сергей Катирин, сардори раёсати сармоягузорӣ ва идораи амволи давлатии вилояти Суғд Шарифҷон Ахмедов, роҳбари Палатаи савдо ва саноати вилояти Липетск Анатолӣ Голтсов, директори ширкати «Фортуна Ко» Муъмин Умаров, роҳбари гуруҳи корхонаҳои "Ресурс"-и Федератсияи Русия Ренат Шигапов, роҳбари Ассотсиатсияи рушди сайёҳии "Зарафшон" Ҷамшед Юсупов ба сухан баромада, оид ба рушди ҳамкориҳо, истифодаи имконоти дуҷониба, тақвияти робитаҳои миёни доираҳои соҳибкорӣ табодули афкор намуданд.

Хадамоти матбуоти
Раиси вилояти Суғд


ШУМО ДАР: Навид Мулоқоти доираҳои соҳибкории вилояти Суғд ва Федератсияи Россия